Красноярск хоорайның чоогунда туттунган христиан төп Унгутка Римчилерге чагааның ийи дугаар кезээн өөренип турумда чүве. Бир-ле хүн дъүштеки чем соонда, удуп дыштаныр улус удаан, а чамдык улус онаалга кылган, шып-ла шыпшың.Чаашкын соонда агаарның таптыы кончугбоорга, арыг агаарга селгүүстээр дээш үнүп келгеш, Манна хемниң соок кыш соонда эрип бадып чыдарын чарашсынып, долгандыр бойдусту магадап, аай-дедир бастырып тур мен. Канчангаш-ла көөрүмге ак, кара алалыг чаражы аажок дииспей шөлчүгеште аай-дедир халып-ла тур. Топтап көре бээримге күске соондан халыптурар дииспей болду. Бир эвес дүрген халыптар болза дораан чеде халый берги дег, а ол ындыг эвес, күскени бичии халыдыпкаш, соондан чеде халып, ызырып, силгигилеп, ойнап турар де. Күскени хилинчектеп турарын көргеш,чүге-ле ийик кээргээрим аажок. Та каяа халып чораан күске чүве. Бир-ле черге чем дилеп халып чорааш, дииспейниң аспаанче кире берген хире. Арай сестип, ыракка туруп алгаш, диисти бичии чардыктырар дээш, даш октаарымга, дииспейниң угаанныы кончуг, шуут чардыгар ужур чок. Тып алган олчазындан карак салбас. Холу-биле черге чыпшыр базып алгаш, мээң октаан дажымның уунче көре тыртып кааш, күскезин улаштыр хилинчектеп-ле эгелээр. Ызыргаш, өрү октагылаар-даа, ойнаарак-биле дөмей-ле. Элдеп-ле дииспей болду. Элээн үр хайгаарап көрүп турумда: «Кижи бачыттыг төрүттүнүп келир, ооң кырындан бо чырык чер кырынга төрүттүнүп келгенде ада-өгбелеринден, ада-иезинден дамчып келгеш, немешкен бачыды, бодунуң хууда күзелдеринден төрүттүнген бачыды, Бургандан хамаарылга чокка чурттап турар бачыды - олар демнежипалгаш, кижини дыка-ла хилинчектээр» деп башкының дем чаа кичээлге чугаазы сагыжымга кире хонуп келди. Ыдыктыг Бижилгеде «Бачыт ужундан өлүм» - деп бижээн болгай. Туттурган күскеде ам өлүмден өске орук чок. Дииспей ону ойнап тургаш, өлүрүп чиптер. А четкер кижини бачыт таварыштыр «ойнап»тургаш, өлүмче чыгадыптар. Ол дораан өлүмге чедирбейн-даа барза, хилинчектеп тургаш, чоорту өлүмге эккээр. Могап-шылааш, боду-ла ооң аайынче кирип, өлүмнү шилип алырынче чыгадып келир.
Дииспейге туттурган күскеде кандыг-даа идегел чок болза, а бачытка туттурган кижиде өлүмден адырлып, хосталганы алыр аргазы бар. Эргим өңнүк, бир эвес сени бачыт хилинчектей берген болза, черле муңгарава, ИДЕГЕЛ бар. Бурган Бодунуң оглу Иисус Христосту таварыштыр кижилерге идегелди берип каан. Кандыг-даа байдалда Иисус Христостуң Ады-биле Бургандан өршээл дилеп, Ынаар көрнүр болзуңза, Бурган Ада сени бачыттан хостаар. Ол дугайын билип алыксай берзиңзе, Бурганның Сөзүн өөрениринге дузалап турар, «Бурган, Сен бар Сен бе?» деп өөредилге ному бар. Ону 89235431649 азы 89232683341 дугаарлыг телефонче долгааш, билип ап болур сен!
